قرار فرقاك من اصعب قرارتي !!!!!!!!!!!!!!!!!!!!!!!!!!!!

بعض مشاعري هنا :
. .
.
قرار فرقاك من اصعب قرارتي
لكن وصلني كلام حدني حدّا
.
اللي حواليك زادوا في معاناتي
وسمعوني كلام يوجب الصّدا
.
لذلك اودعك توديع الامواتِ
اللي عزلهم ظلام القبرواللحدا
.
وآخر طلب باطلبه يتضمن الآتي
ان كان باقي بقلبك لي بعـَـض ودّا
.
تناسي اللي مضى في ذيك الاوقاتِ
وانسي غرام لسوء الحظ ما امتدّا
.
وانا ولاشك بانسى كل مافاتِ
ولا كأني عشقت العين والخدّا
.
وان صار في يوم سالت بعض دمعاتي
اوعدك ما ابيّن المكنون والسدّا
.
واوعدك ماعاد انا اكتب لاجلك ابياتي
واوعدك ما اخلي بحقل الغلا وردا
.
واوعدك لاكتم بصدري كل وناتي
حتى ولو زاد هم البعد واشتدّا
.
صحيح ذكراك الاجمل في رواياتي
صحيح كانت محبة رائعة جدّا
.
لكن عزاي الامل في خير ماياتي
يمكن يزول الحزن والهم والوجدا
.
وعزاي لامن تذكرت البداياتِ
وحسيت نار بجوفي تحرق الكبدا
.

اني دريت انها شمس وفيّاتِ
وان القدر يهزم اللي قام يتحدى
.
كل البدايات تقفاها نهاياتِ
مير اسمعي كلمتي ياحلوة القدّا
.
ابا اعترف لك وباصدق باعترافاتي
ومن قبل لاتسألي باكتب لك الردّا
.
علاقتي فيك من اقوى علاقاتي
لكن ماعاد لي من قطعها بُدّا !
. .
.
راجي الوصل

 

 

 

 

 

 

 

 

 

 

ابيات جميله
قصيده جزله

ننتظر اهل النقد لنقد القصيده وترجيحها

بيض الله وجهك

 

 

 

 

 

 

 

 

 

 

صح لسانك ياراجي الصدى ويعطيك العافيه ودي اني شاعر وابشر بالابيات اللي تسر خاطرك
زدمت بصح وسلاااام ؛؛؛؛

 

 

 

 

 

 

 

 

 

 

راجي الوصل شاعر جميل في كل مكان وزمان ماشاء الله عليه

مبدع دوم

 

 

 

 

 

 

 

 

 

 

هنيــئا لقـــلم داعبـــته انــاملــــكـ
وهنيــئا لدفـــتر كتبت فــيه كلماتـكـ



ابداع .. يعطيك العافية ...