((حــامـد زيــد)) يمدح امير الجنوب الامير فيصل بن خالد

[قدها وقدود]

السلام عليكم

اول موضوع اكتبه هنا يشرفني ان يكون عباره (( عن قصيده للشاعر الكويتي الكبير حامد زيد ))

قالها في الامير فيصل بن خالد امير الجنوب


لا اطيل عليكم اليكم القصيده :


جيت اسلم ما بقلبي لا طموح ولاتمني
***** الوكاد اني عنيت مودع تراب الكويت
ويشهد الله يوم جيتك يا طويل العمر كأني
***** زائر الشعب السعودي في محله بيت بيت
قبل اشوفك من وصوفك غير ذكرك مافتني
***** وبوجودك مثل جودك لا سمعت ولا رأيت
جيت ابطوي لك مسافات الدروب اللي طوني
***** ماعنيت الا لوجهك بس كاني ماعنيت
خطوتين من الكويت لبحر جده واجمعني
***** مع سموك يا سمو المجد يا فيصل وجيت
والشعر لو مارهنته تحت كفينك رهني
***** لو للطيب مبدأ فانت اول من بديت
ان خلق لله وجودي وان خلق لرضاك فني
***** ان تحب اكتب كتبت ولو تحب امحي محيت
وش بغيت امر تمنى لا يغرك صغر سني
***** شايف نجوم الثريا جبتها لك لو بغيت
لو بعيش اعطي كفوفك مثل ما كفوفك عطني
***** لا تحسب اني بوفي لو عطيت ولو عطيت
اشهد اني ما وفيت ولو وفيت انا اشهد اني
***** قلت عن نفسي مقصر واشهد اني ماوفيت
لانك اغلى من عروقي والوريد اللي سكني
***** واعتزازك تاج يبقى فوق راسي ماحييت
لاختلف في شخص ضنك لاوم اخلف فيه ضني
***** وان رويت الماي بروى مثل ما اضمى لاضميت
وان زعلت ابزعل وابرضى لارضى قلبك لاني
***** واجب ازعل لا زعلت وواجب ارضى لا رضيت
انت مثل البحر تعطي والعطا ثقل وتاني
***** بس هو يعطي وياخذ وانت ماعمرك خذيت
محتفظ باسمى صفاتك ومتبنيها تبني
***** وامتداد الملك خالد معدن وصوره وصيت
كان الارض تقول : يوم اقدام خلق الله وطني
***** بعد رسله والصحابه انت خير اللي وطيت
يا طويل العمر لولا المستحى بتمل مني
***** وقالوا ان لم تستحي من شيء فافعل ما اشتهيت
والا انا لولا الملامه والنصيب اللي حضني
***** كان ما اسري من محلك لين ما اشوفك سريت
من كثر فرحي بشوفك من نشد وش صار عني
***** بس اسولف عن سموك صار كيت وصار كيت
لو ينال المرء ادراك المطالب بالتمني
***** كان اجل هموم قلبي تنتهي لو قلت ليت
مغترب جيت متعني لك ولاني بمتعني
***** وقتها كاني رحلت من الكويت الى الكويت
بس والله يوم جيتك يا طويل العمر كاني
***** زائر الشعب السعودي في محله بيت بيت



وسلامتكم ...


اعجابي وتقديري لاستاذي في الشعر

(( حـــــــــــــامــــــــد زيـــــــــــــــــــد ))






وعلى دروب الخير نلتقي (( أحـــبــــه ))

قــــــــدهـــا و قـــــــــدود