خلووووووها [الأرشيف] - منتديات شبكة قبيلة آل عمران الرسمية

عايض بن علي

14-02-2007, 02:18 PM

أسمع يا بوزيد...

(الموال)

بو زيد جتك العلوم اللي على هونها
المسك قدامها... والطيب من دونها
وعلوم بعدين... باعلمك وش لونها

اللي يدور له لابد يلقاها

سلام الله يا بوزيد.. والشيطان ملعون
..........مع نجمة الصبح ساري..وخلق الله رقاد

جينا وشفنك في..ساحة شاعر المليون
..........بعد كناري وزيزوم....وش عاد وش عاد

أخوك
بجاد

****************

( أجيك كلي عشق ..وأنت تحفر قبري)

عايض بن علي

14-02-2007, 05:16 PM

أخي الحبيب كادي نت

سرني تواجدك في متصفحي
.......
.....

قصيدتي موجهه لأبا زيد
بيوتها
أبواب مغلقة..
مفاتيحها بيدة
....

سيكون لي مزيد من الشرف
لوتحاورنا في موقعه أخرى
وأنا أتوق إلى ذلك

مع صادق الود

أخوك
بجاد

( كل رجلٍ في حياته له ميول
................والهوايه تمتلك رجاله)

أبوزيد العمراني

14-02-2007, 07:06 PM

يامرحبا يابجاد الشعر من كل باب
مانطرد إلا حقيقه ماطردنا سراب
في ديرة راسها ينطح بياض الضباب

اللي يدور لها لابد يلقاها

على ماقلت لي كنت من ناس يوفوّن
عدْ واسلم لاتقولٍ في كفي زناد

كل حرفٍ ننظمه زاد في المعنى ظنون
وابتشلنا فيك ياجمر من تحت الرماد

عايض بن علي

14-02-2007, 08:30 PM

أسمع يا بوزيد

ياللي رميت الهدف... وتقول ماريته
ياليتك اللي...... جرح قلبي وداويته
من عام بيت العرب ياخوك ما جيته

واللي يدور لها لابد يلقاها

لجنة التحكيم ما شفتها... في التلفزون
...............ما أسمع إلا صوت دكتورها ينشد انشاد
ما ودي أسري وقلبي من الدار مغبون
...............واترك بلادٍ ربتني..... وادور ....لي بلاد

بجاد

أبوزيد العمراني

14-02-2007, 08:46 PM

مجار قلبك من التجريح والنكده
والله يعلم بما يكتم على سده
أنا دخيلك توردها على الرده

واللي يدور لها لابد يلقاها

ردها في بشتك اللي على عالي المتون
فأنت شاعر كلمته خير من شربٍ وزاد

لاتغادر ديرة مجدها بين الحصون
واخبر اللي ماعرفنا يدور له عتاد

عايض بن علي

14-02-2007, 09:33 PM

الجرح سكين... ويقطع شراييني
والصبر ثوبي.. وعيا.....لايدفيني
خلك معي يارفيق الجنب وسنيني

اللي يدور لها لابد يلقاها

خذتها في جنبي اللي..... دمَا كله طعون
..........والمواقف مالها... ألاَ.... مجاهيمٍ شداد
بعد بن ساقان... ماكن لي قلب وعيون
..........نكست البيارق وآعلنت في الدار الحداد

بجاد

أبوزيد العمراني

14-02-2007, 10:04 PM

ماهون دونك ولو جيتك على ساقي
يا الفاهم اللي على الطولات عملاقي
أجر بالصوت محزونٍ ومشتاقي

واللي يدور لها لابد يلقاها

عالم التطبيل يضحك على بعض الدقون
يأخذون أموالنا كننا وسط المزاد

وآخر المشوار ينجح مغسلة الصحون
والقصائد تنتحر في محطات السواد

أبوعدي

14-02-2007, 10:14 PM

عملاقا الشعر
بجاد....وأبوزيد العمراني

يعطيكم العافيه

وأنا واقف في الصفوف
مع بجاد

مع تحياتي
أبوعدي

عايض بن علي

15-02-2007, 01:15 AM

للعلم ناسٍ على الايدي يشيلونه
في كل مجلس يجيبون ويودونه
براقهم من مرابعنا... لمع نونه

واللي يدور لها لابد يلقاها

ما هم مثلنا يعبدون ربي ويصلون
.............سل سيفك للجهاد سل سيففك للجهاد

البداية توها.. بعد بيجينا شارون
.............ياكل الاخضر كم ياكله سرب الجراد

وحي القلم

15-02-2007, 01:44 AM

متعة بلا حدود

بجاد

قداح الازناد

وابو زيد

راس عنيد

واصلا التغريد

ابو يزيد

15-02-2007, 02:32 AM

محاوره ولا اروع

يسلموووو ابوزيد ويسلموووو بجاد

بس يا بجاد احساسي يقول اني عرفتك

اسلوبك يا ابو........ عرفته

تقبل تقديري واحترامي اخوي بجاد

عايض بن علي

15-02-2007, 12:48 PM

سيارة دتسن غمارتين...
دتسن غمارتين
مسكره الخط

نرجو من صاحب السيارة ان يبعدها
فيه عوايل بيسرون
+++
++++

الأخ الحبيب/ مرعي
أهلا وسهلا بمرورك العذب

أخي الغالي/ أبويزيد....فارس المنتدى
حياك الله وبياك

بخصوص تعليقك

**فأنا صبي بالقرن مالي شبيهٍ ثاني**

أخوكم
بجاد

أبوزيد العمراني

16-02-2007, 05:48 PM

صفر الدلال أصبحت في الكيف معطوبة
مادام ماقدروا بنك ومشروبة
فالشمس ماهي من الغربال محجوبة

واللي يدور لها لابد يلقاها

الرفيق ياللي يكثر لنا ضحك السنون
الزمن يقصر بحبله ويرديه النفاد

واصل المشوار واحذر ظلال الزيزفون
فأنت فارس مايحب الفايفي والبراد

عايض بن علي

17-02-2007, 12:51 AM

من أمس ياللي تّتبع باقي أخباري
وأنا مع الليل ونجوم السما ساري
والبدر ساهر على موالي وأشعاري

اللي يدور لها لا بد يلقاها

جارنا الله من زمانٍ تغيره السنون
................ألم ترى في ثمود ألم ترى كيف عاد

لا لقيته يا بو زيد سلمه لأمن السجون
...............أما براءة شرف... وإلا تسفير وإبعاد

أبوزيد العمراني

17-02-2007, 01:35 AM

صباح قلبي صباحك ياأحمر الوجنة
إن خف وزن الهوى وإلا ثقل وزنه
يعيب راعي التغلي جرة الونة

واللي يدور لها لابد يلقاها

شفت ناس همها ترتقي فوق المتون
بالنميمه سعيها مفسده بين العباد

تنكشف يوم التلاقي وصكات الطعون
ناجحه في كل علم يعذرب وانتقاد

prince ksa

17-02-2007, 02:02 AM

الف شكر يالغالي

عايض بن علي

17-02-2007, 07:50 PM

إلا صباح الدفا ...والعطر وأزهاره
ياللي معاك القصيد.. يزين مشواره
تبين اللي... بوسط الصدر وأسراره

اللي يدور لها لابد يلقاها

خلنا نلعب على الصوت ونجر اللحون
.................سالفتنا لا يترجم قوافيها البعاد

أطلب الله يعصر الغيم وتهل المزون
..............أدمح الزله ويا.. علها كبوة جواد

ابو ريان الشعبي

17-02-2007, 10:04 PM

صحت لسانك يابجاد وانتظروني قريبا في المحاورة انت وابو زيد

أبوزيد العمراني

17-02-2007, 10:29 PM

خذني العجب من رجال حالهم حاله
للهرج بين البشر تمشى ونقاله
صارت تخبط يمين الخط وشماله

اللي يدور لها لابد يلقاها

إنّ نزلنا في براحٍ ونصعد في حزون
والهبايب تنشدك عن رفيقك وين عاد

المعشر في زمان المدافع ساكتون
خل راعيها يسمي عليها بالرقاد

الشاعر القدير بجاد
تشرفت بالمحاورة معك
والمعنى اكتمل

ولكل من تابع المحاورة
وافي الشكر وأزكاه
وننتظر أبا ريان والكادن نت
وغيرهم من شعراء القبيلة
وهذا أسعد اللحظات في الحوار معهم .

عايض بن علي

19-02-2007, 12:15 AM

أخي الحبيب
أبو زيد العمراني

صح لسانك ويعطيك العافية

ونترك المجال

لبقية الزملاء

أخوك
بجاد

وحي القلم

24-02-2007, 02:57 PM

عايض بن علي

ابو زيد

الثنائي المدهش

بكل جداره

لكما خالص حبي

علي سعيد مهراس

24-02-2007, 05:54 PM

يا صاحبي كن شمس الصبح من دونك
واثرك قريب وحسادك ينادونك
ماصير بعدك ولا باجيك من دونك
واللي يدور لها لابد يلقاااااااااااها

السموحه لو تأخرت في طرح الفنون
وانا جاهز عدتي في يدي ومع العتاد
الشموع تضيع لو جا شعاع بالعيون
والرفيق السنع ما نرخصه يوم الجلاد

أبوزيد العمراني

24-02-2007, 08:18 PM

أخي الحبيب علي بن سعيد
شكراً لحضورك البهي
وأرى أن تفتح موضوع آخر للمحاورة
بقافية جديدة وطاروق جديد
ويشرفني المسامرة عبره
فهذا الموضوع نضج واكتمل معناه .

في انتظارك يا الحبيب .

وعلان نت

25-02-2007, 03:43 PM

متعة بلا حدود

بجاد

قداح الازناد

وابو زيد

راس عنيد

واصلا التغريد

ننتضر المزيد

أبو صالح

25-02-2007, 08:21 PM

إذا ضاق صدري .. وأحسست بالملل
دخلت هذه الزاوية من هذا المنتدى الرائع بأهله العملاق بما فيه من حوار
فالتحية لمن أسس وبنى وشيّد

عايض بن علي

27-02-2007, 07:34 PM

الأخ القدير أبو صالح

نحن لاتضيق صدورنا بوجودك

فمربحاً بك نوراً يضيء منتدياتنا

تلميذك
عايض بن علي