ماذا ستفعل لو رايت هذا المنظر؟؟

[مضاد حيوي]

http://img355.imageshack.us/img355/1600/838695382qs2.jpg



لو فتحت غرفتك وتفأجت بهذه الدراهم كلها في الغرفه ماذا ستكون ردة فعلك

وماذا سوف تفعل بهذه الدراهم كلها

طبعا شكلها بعملة الدولار

اما انا عز الله اني بانبسط وابسط نفسي وافرفش وادقلي بكامري 2008 واظللها واشتري جوال جديد
واستاجر شقه فخمه بجنب مندي على مستوى واشتري ميتين من امغنم

وادقلي بمسدس ربع
وافصل 4 ثياب
واروح عند امداين وارمي الفلوس اللي سلفني اياها في وجهه واعطيه الف ريال بدل تأخير

واعمرلي عماره في الديره دورين

واصيف كل سنه في ابها

وحاجات كثيره ودي اسويها

نبغا نشوف ارائكم؟

[سعود بن محمد]

مشارعيك ذي كثيره ولا اتوقع ان الفلوس اللي في الغرفه تغطيها


اللهم قنعنا بما رزقتنا وقنا عذاب النار


ارسلك حسابي عالخاص

[مضاد حيوي]

مشارعيك ذي كثيره ولا اتوقع ان الفلوس اللي في الغرفه تغطيها


اللهم قنعنا بما رزقتنا وقنا عذاب النار


ارسلك حسابي عالخاص

اقولك ياولد
يعني قصدك الفلوس ذي قليله والله ان شاء الله انها تكفين مادمت حي

وبعدين وش ابغا بحسابك
مرني من البيت وابشر ان ادسم شاربك
بما انك احسن صديق لي ابشر مني بعشرة اولاف ريال

بيض الله وجهك

[عاشق الصافرة]

بصراحه راح أبسط نفسي وأهلي
وأمن مستقبلي وأعمر كم فلـــــــــــــه
وأبني مسجد في حي سعيــــــــــــــــده
والباقي أتصدق بها على الفقراء والمساكين

[ابو الريم]

اهم شي انك بترمي الفلوس في وجه اللي سلفك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذا رد الجميل!!!!!!!!

بدل ما تقول مشكور والله يجزاك خير

نفسي اشوف وجهك وانت تطلب السلف


لا والله الا مطيري




.

[مضاد حيوي]

اوووووووه نست حاجه

اتبرع بمبلغ خمسين الف ريال للناديي المفضل وذلك من اجل تحسين اوضاع النادي وجلب محترفين على مستوى عالي

[ظامي وبعزتي رويان]

والله صار المنتدى منتدى لعب واستهزاء , مضاد تكلم فى مواظيع بناءه مفيده للقارىء ولا لا تكتب والله انى اخجل من واظيعك

[مضاد حيوي]

اهم شي انك بترمي الفلوس في وجه اللي سلفك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هذا رد الجميل!!!!!!!!

بدل ما تقول مشكور والله يجزاك خير

نفسي اشوف وجهك وانت تطلب السلف


لا والله الا مطيري




.

ياابو الريم كلامك سليم

لكن انا انا اقصد بالرمي اعطاء هذا الديان الفلوس بسرعه فائقه لاني تأخرت عليه كثيرا
فمن شدة وفائي له ارميله الفلوس وانا باقي ماوصلته وليس قصدي احذفه بها على حسب فهمك ياخي

اما بالنسبة لوجهي يوم رحت استلف منه فالله لايوريك جميع الالوان اللي تطري على بالك قد ارتسمت على محياي والله خجلان جدا
لكن هذا حال اللي يستلف مسكين الله يكون في عونه

ايضا اخي ماودي انك تطرقت لقبيلة مطير

على كل حال بيض الله وجهك

[مضاد حيوي]

والله صار المنتدى منتدى لعب واستهزاء , مضاد تكلم فى مواظيع بناءه مفيده للقارىء ولا لا تكتب والله انى اخجل من واظيعك

اولا يا اخي ظميان اسال الله تعالى ان يسقيك من الكوثر شربة لاتظما بعدها ابدا

اما الان فسأل الله ان يسقيك كوب ليمون حتى تروق اعصابك
وتهدي شوي اشوفك جاي منفعل الله يكفا شرك مدري من اللي زعلك ؟

ياخي هذا حال اغلب المنتديات تكون متنوعه تشمل جميع الاقسام من اخبار وثقافه عامه واسلاميات
ورياضه ووناسه الخخخ

المهم وسع صدرك وانا خوك

اما بالنسبة لكونك تخجل من مواضيعي فهذا رايك ونحترمه
وهناك ايضا اشخاص يقلون مواضيعي تعجبهم

يعني الناس مزاجات

ان شاء الله يكون مزاجك في المرات القادمه تعدل وتعجبك مواضيعي


على اية حال

بيض الله وجهك